Rusiya qırğız prezidenti Moskvaya aparır
Qırğızıstan Prezidenti Almazbek Atambayev Moskvada müalicə alacaq.
Axar.az xəbər verir ki, artıq Atambayev Moskvaya yola düşüb. Onun Moskvada müalicə olunmasını Rusiya hökuməti təklif edib. Qırğız liderin Moskva Mərkəzi Klinik Xəstəxanasında müalicə olunacağı gözlənilir.
Qeyd edək ki, Atambayevin ürəyində problemlər bir müddət öncə Nyu Yorka səfər edən zaman İstanbulda yaranıb. Prezident indiyə qədər Türkiyədə müalicə olunub.
