Burcanadze: “Putinlə görüşməyə çalışacağam”
Rusiyalı siyasətçilərlə görüşmək Gürcüstan üçün çox vacibdir.
Axar.az xəbər verir ki, bunu jurnalistlərə açıqlamasında Gürcüstanın eks-spikeri Nino Burcanadze söyləyib. O, iki ölkənin ən yüksək səviyyədə dialoqa başlaması üçün əlindən gələni edəcəyini bildirib: “Bu dialoq bizim Rusiya-Gürcüstan münasibətlərini yeni mərhələyə keçirməyimizə imkan yaradacaq. Mən əlimdən gələni edəcəyəm ki, Rusiya lideri ilə görüşüm”.
Qeyd edək ki, Burcanadze Rusiyaya səfər edib. O, Rusiya Dumasının spikeri Sergey Narışkinlə görüşüb. Burcanadze rusiyayönlü siyasətçi hesab edilir. O, Tiflisin Avropa Birliyinə və NATO-ya inteqrasiya fəaliyyətinin əsas əleyhdarıdır.
