Bəxtiyar Hacıyev saxlanıldı
Gənc fəal Bəxtiyar Hacıyev saxlanılıb. Avropa.info xəbər verir ki, bu barədə sosial şəbəkədə məlumat yayılıb. Məlmuatda bildirilir ki, Bəxtiyar Hacıyev hazırda Yasamal rayonu 27-ci polis bölməsindədir:
"Dünən söyüş söyən yol polisi ilə mübahisə yarandı, yol polisi fiziki güc tətbiq etdi, indi 27-ci polis bölməsinə gedirik. Ya bunlar cəzalanmalıdır, ya da ölkədən getməliyəm. Başqa cür alınmır". DİN mətbuat xidmətinin əməkdaşı Ehsan Zahidov bu barədə eşitmədiyini, nahardan sonra maraqlanacağını deyib. Yasamal rayonu 27-ci polis bölməsinin növbətçi hissəsindən Meydan TV-yə bildiriblər ki, Bəxtiyar Hacıyev adlı şəxs bu bölməyə gətirilməyib.
