Tbilisi ilə İstanbul qardaşlaşdılar
Tbilisi və İstanbul şəhərlərinin merləri investisiya, turizm və mədəniyyət sahəsində əməkdaşlığı nəzərdə tutan memorandum imzalayıblar. Bundan əlavə, İstanbul Tbilisiyə beş avtobus hədiyyə edəcək. Virtualaz.org xəbər verir ki, bu barədə Rusiya KİV məlumat yayıb. “Memoranduma görə, Tibilisi və Türkiyənin ən böyük şəhəri olan İstanbul qardaşlaşıblar”, – Tibilisi şəhər qubernatoru David Narmaniyani bildirib.
Sənəd Tibilisi qubernatoru D.Narmaniani və İstanbul meri Kadir Topçubaş tərəfindən imzalanıb. “Hansı istiqamətdə əməkdaşlıq edəcəyimizlə bağlı bəzi suallar var. İlk vəzifəmiz şəhərlərimizdə investisiya, turizmin inkişafı və əlverişli mühit yaratmaqdır. İstanbul təcrübəsi bələdiyyə nəqliyyatını idarəetmə nöqteyi-nəzərindən və mədəni irsin qorunması ilə şəhərin yenilənməsi baxımından bizim üçün maraqlıdır”, - deyə D.Narmania mətbuat nümayəndələrinə bildirib.
