Bulvarda Novruz bayramı şənliyi keçiriləcək
Novruz bayramı ilə əlaqədar martın 19-da Dənizkənarı Milli Parkda bayram şənliyi keçiriləcək. Bu barədə Dənizkənarı Bulvar İdarəsinin rəis müavini Nazim Məcidov məlumat verib. Onun sözlərinə görə, bayram şənlikləri həmin gün saat 10.00-dan gecə yarısınadək davam edəcək.
Onun sözlərinə görə, Mədəniyyət və Turizm Nazirliyinin təşkilatçılığı ilə baş tutacaq bayram tədbirində Azərbaycan mətbəxi təqdim olunacaq, Novruzun bütün siması nümayiş ediləcək, bölgələrdən gələn musiqi və folklor kollektivləri çıxış edəcək.
