Beş ildə 11 milyonluq tender udan «Azertikinti-M» kimə məxsusdur – MMC-ni Mahir Abbaszadə ilə nə kimi tellər bağlayır
Burada Məcburi Köçkünlərin Sosial İnkişaf Fondu tərəfindən min nəfərlik bir kənddə həkim məntəqəsinin tikintisinə yarım milyon manatdan çox vəsaitin ayırmasının şişirdildiyi açıq-aydın görsənir. Odur ki, daha ətraflı araşdırma aparmaq qərarına gəldik.
Apardığımız araşdırma zamanı məlum oldu ki, bu Məcburi Köçkünlərin Sosial İnkişaf Fondu ilə «Azertikinti-M» MMC – arasında bağlanan ilk satınalma müqaviləsi deyil. tərəflər arasında 2019-cu ilin may ayından 2024-cü ilin iyul ayına qədər 18 satınalma müqaviləsi bağlanılıb.
Kürdəmir rayonu ərazisində 563 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində 4 mərtəbəli yaşayış binalarının, sosial və texniki infrastruktur obyektlərinin tikintisi işləri üzrə 1.887.902,52 manat, Ucar rayonu ərazisində 250 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində klub-icma mərkəzinin və inzibati binanın tikintisi üzrə 515.829,07 manat, Ağcabədi rayonunun “Taxta Körpü” ərazisində müvəqqəti məskunlaşmış 1500 (I mərhələ – 645) məcburi köçkün ailəsi üçün zəruri sosial-texniki infrastrukturu olan 245 ailəlik Qarakeçdi qəsəbəsində inzibati binanın və həkim məntəqəsinin tikintisi üzrə 767.418,2 manat, Ağcabədi rayonunun “Taxta Körpü” ərazisində müvəqqəti məskunlaşmış 1500 (I mərhələ – 645) məcburi köçkün ailəsi üçün zəruri sosial-texniki infrastrukturu olan 144 ailəlik Şeylanlı qəsəbəsində 108 şagird yerlik məktəbin tikintisi üzrə 1.856.931,52 manat, Abşeron rayonu ərazisində 1890 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində sahədaxili rabitə və videomüşahidə şəbəkələrin tikintisi üzrə 692.160,68 manat, Abşeron rayonu ərazisində 1890 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində sahədaxili rabitə və videomüşahidə şəbəkələrin tikintisi üzrə 692.160,68 manat, Abşeron rayonu ərazisində 1890 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində musiqi məktəbinin tikintisi üzrə 1.485.880,17 manat, Abşeron rayonu ərazisində 1890 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində musiqi məktəbinin tikintisi üzrə 1.148.286,74 manat , Ramana qəsəbəsi ərazisində 1512 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində klub-icma mərkəzinin və inzibati binasının tikintisi üzrə 1.055.244,39 manat, Ramana qəsəbəsi ərazisində 1512 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində sahədaxili videomüşahidə şəbəkəsinin tikintisi üzrə 134.179,69 manat, Samux rayonu ərazisində 200 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində klub-icma mərkəzinin tikintisi üzrə 300.829,2 manat, Samux rayonu ərazisində 200 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində inzibati binanın tikintisi üzrə 125.587,03 manat, Samux rayonu ərazisində 200 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində tibb məntəqəsinin tikintisi üzrə 89.202,64 manat, Bakı şəhəri, Binəqədi rayonu, Xocəsən qəsəbəsi ərazisində 810 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində inzibati binanın istilik məntəqəsi ilə tikintisi üzrə 614.763 manat, Samux rayonu ərazisində 200 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində videomüşahidə şəbəkəsinin tikintisi və rabitə xəttinin köçürülməsi üzrə 49.630,21 manat, Bakı şəhəri, Binəqədi rayonu, Xocəsən qəsəbəsi ərazisində 810 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsində videomüşahidə şəbəkəsinin tikintisi üzrə 44.762,12 manat, Laçın rayonunun Zabux yaşayış məntəqəsində birinci mərhələdə inzibati binanın tikintisi üzrə 186.400,66 manat, Laçın rayonunun Zabux yaşayış məntəqəsində birinci mərhələdə tibb məntəqəsinin tikintisi üzrə 163.610,85 manat məbləğində.
Göründüyü kimi Məcburi Köçkünlərin Sosial İnkişaf Fondu son beş il ərzində «Azertikinti-M» Məhdud Məsuliyyətli Cəmiyyəti ilə ümumi dəyəri təxmini hesablamalarımıza görə 11 625 873 manat olan 18 satınalma müqaviləsi bağlayıb. Araşdırmalarımız zamanı əldə etdiyimiz bir maraqlı məlumat da ondan ibarətdir ki, «Azertikinti-M» MMC Məcburi Köçkünlərin Sosial İnkişaf Fondundan başqa heç bir dövlət qurumunun tenderlərində qalib olmayıb. Məcburi Köçkünlərin Sosial İnkişaf Fondu ilə bağlanan müqailələrin əksəriyyəti də bir mən mənbədən satınalma metodu ilə keçirilib və qalib «Azertikinti-M» MMC olub. Bəs MMC barəsində nə kimi məlumatlar var?
İqtisadiyyat Nazirliyi yanında Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “AZERTİKİNTİ-M” Məhdud Məsuliyyətli Cəmiyyətinin 05.03.2010-cu il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 20 manat olan MMC-nin hüquqi ünvanının BAKI ŞƏHƏRİ XƏTAİ RAYONU, HƏSƏN SALMANİ, ev 5/7, m. 19, qanuni təmsilçisi kimi isə Orucov Araz Almaz oğlu qeyd olunub.
Son beş ildə 11 625 873 manat dəyərində dövlət sifarişi almış MMC-nin nə rəsmi veb səhifəsi nə işçi qüvvəsi, maliyyə imkanları barədə açıq mənbələrdə heç bir məlumat yoxdur. MMC-nin təsisçisi və ilk qanuni təmsilçisi Seyidov Həmid Abbasəli oğlu olub. Müxtəlif vaxtlarda MMC-yə Nəcəfov Kəmənd Elşad oğlu, Seyidov Ramiz Abbasəli oğlu da qanuni təmsilçiləri olub. Bu şəxslərin barəsində açıq internet resurslarında heç bir məlumata rast gəlinmir. Amma hazırki qanuni təmsilçisi kimi qeyd olunan Orucov Araz Almaz oğlu barəsində ilginc məlumatlar var. Ətraflı burada: https://azvision.az/news/305029/news.html
Elekttron mediadın yazıdığına görə Bakıda şəhər sakini, 1979-cu il təvəllüdlü Rüstəm Cavid Ruzbeh oğlu qonşuları tərəfindən döyülməyinə baxmayaraq Xətai Rayon Polis İdarəsinin 37-ci polis şöbəsində aparılıb və qanunsuz olaraq orada saxlanılıb. Bu barədə saxlanılan şəxsin qardaşı Rüstəmov Valid məlumat verib. Belə ki, Rüstəm Cavid Daxili İşlər Nazirliyinin 102- xidmətinə məlumat verərək qonşusu Orucov Araz Almaz oğlu və Ruqiyyə adlı şəxs tərəfindən döyüldüyünü bildirib.
Saxlanılan şəxsin həyat yoldaşı Nərgiz Rüstəmbildirib ki, Araz və Ruqiyyə adlı şəxslər ərini “Lotu Quli” ilə qohum olmaları ilə bağlı təhdid ediblər: “Hədələdilər ki, uşaqlarını oğurlayarıq. Onlar gürcüstanlıdırlar, hamısı əlbirdilər. Prokurorluq işini gördü, dərhal reaksiya verdi. Hamısı sağolsunlar”.
Göründüyü kimi Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında «Azertikinti-M» MMC-nin hüquqi ünvanının BAKI ŞƏHƏRİ XƏTAİ RAYONU, HƏSƏN SALMANİ, ev 5/7, m. 19 göstərilir. Qonşuları tərəfindən döyülmüş Rüstəm Cavid Ruzbeh oğlunun Xətai Rayon Polis İdarəsinin 37-ci polis şöbəsində aparılması və qardaşının şikayətçi olması hadisəsi Xətai rayonu ərazisində baş verdiyindən onun məhz «Azertikinti-M» MMC-nin qanuni təmsilşisi Orucov Araz Almaz oğlu olduğunu ehtimal etmak olar.
Qeyd edək ki, Məcburi Köçkünlərin Sosial İnkişaf Fondunun direktoru Mahir Abbaszadədir. O, 14 noyabr 2018-ci il tarixdə Azərbaycan Respublikasının Məcburi Köçkünlərin Sosial İnkişaf Fondunun direktoru vəzifəsinə təyin edilmişdir. Qeyd edək ki, elektron mediada Mahir Abbaszadəyə məxsus olduğu bildirilən “AZ.İnşaat-M.V.” MMC-nin Gürcüstan Ədliyyə Nazirliyinin Milli Qeydiyyat Agentliyində 2007-ci ilin yanvarın 23-də təsis edildiyi yazılıb. «Azertikinti-M» MMC-nin qanuni təmsilşisi Orucov Araz Almaz oğlunun da Gürcüstan əsilli olması şirkətin birbaşa Mahir Mahir Abbaszadə ilə bağlı olduğuna bir işarədir. Yoxsa MMC son beş ildə yalnız Məcburi Köçkünlərin Sosial İnkişaf Fondunun tenderlərinin deyil, başqa bir dövlət qurumunun satınalmasının da qalibi olardı.
