Ermənistan ordusunun yaraladığı gənc avtomobil qəzasında həlak oldu
Erməni silahlı bölmələrinin atəşkəs rejimini pozması nəticəsində Tərtərin Qarağacı kəndində bir nəfər ölüb digəri isə ağır yaralanıb.
Bu barədə AzVision.az-a Tərtər rayon Qarağacı kəndinin icra nümayəndəsi Lətif Həmidov məlumat verib. Onun sözlərinə görə, kənddə yerləşən bələdiyyə binasında məskunlaşmış məcburi köçkün Cəlal Rəhimovun idarə etdiyi avtomobil artilieriya atəşinə məruz qalıb:
“Ermənilərin ötən gecə ağır artilleriyadan açdığı atəş nəticəsində Cəlal Rəhimovun “Vaz 2107” markalı avtomobilinin yanına mərmi düşüb. Avtomobilin içərisində olan Orxan Rəhimov partlayış nəticəsində hər iki ayağını itirib. O, bildirb ki, ayaqlarını itirən O.Rəhimov bu gün xəstəxanaya aparılan zaman təcili yardım avtomobili yol qəzasına düşüb: “Orxan Rəhimov Bərdə rayon Mərkəzi xəstəxanasına aparılan zaman təcili yardım avtomobili minik avtmobili ilə toqquşub. Ayaqlarını itirmiş Orxan Rəhimov da qəza zamanı həyatını itirib. İndi onun cənazəsi rayona aparılır”.
Onun əmisi Cəlal Rəhimov isə ağır bədən xəsarəti alıb. Hazırda həkimlər onu müalicə edir.
