Türkiyədə AKP-MHP danışıqları FOTOLAR
Türkiyədə koalisiya hökuməti qurulması çərçivəsində növbəti önəmli görüş keçirilib. APA-nın xəbərinə görə, Ədalət və İnkişaf Partiyasının (AKP) lideri Əhməd Davudoğlu Milliyyətçi Hərəkat Partiyasının (MHP) lideri Dövlət Baxçalı ilə görüşüb.
AKP nümayəndə heyətində Faruk Çelik, Mahir Ünal, Lütfi Əlvan, Haluk İpək, Ərtan Aydın, MHP heyətində isə Oktay Vural, Kənan Tanrıkulu, Semih Yalçın, İsmət Büyükataman və Mustafa Kalaycı təmsil olunub.
D. Baxçalının Böyük Millət Məclisindəki kabinetində keçirilən görüş 1 saat 45 dəqiqə davam edib. MHP lideri qonaqları kabinetinin qapısında qarşılayıb. Görüşün yekunları ilə bağlı Ə. Davudoğlunun mətbuat konfransı keçirəcəyi, D. Baxçalının isə yazılı açıqlama ilə çıxış edəcəyi gözlənilir.
