“Walt Disney” 100 mindən çox işçinin maaşını ödəyə bilmir
“Walt Disney” şirkəti bu həftədən etibarən, 100 mindən çox əməkdaşının əməkhaqqını ödəməyəcək.
“Financial Times” nəşri yazır ki, bu rəqəm şirkətdə çalışan insanların yarısı deməkdir.
Mənbə yazır ki, “Walt Disney” ABŞ-ın Florida ştatında və Fransanın paytaxtı Parisdə işçilərini ödənişsiz məzuniyyətə göndərib.
Koronavirus pandemiyası ilə əlaqədar olaraq, “Walt Disney” dünyanın müxtəlif ölkələrində yerləşən hotellərini və əyləncə parklarını bağlayıb.
Qeyd edək ki, son rəqəmlərə əsasən, ABŞ-da 764 265 nəfərdə COVID-19 aşkar edilib, 40 565 xəstə virusun qurbanı olub. Sağalanların sayı isə 71 mindən çoxdur.
