Daşkəsəndə güclü külək əsib, dolu və leysan yağış yağıb
Daşkəsən rayonu ərazisində 25 avqust 2019-cu il tarixdə saat 13-00 radələrində təbii fəlakət baş verib. Dolu və leysan yağışla müşayiət olunan güclü külək əsməsi nəticəsində Daşkəsən şəhərinin, rayonun qəsəbə və kəndlərinin bəzi yaşayış, sosial və inzibati binalarının dam örtüklərinə və rayonun elektrik şəbəkəsinin dirəklərinə və elektrikverici xətlərə, o cümlədən fərdi təsərrüfatlara ziyan dəymişdir.
Rayondan gundeminfo.az-a verilən məlumata əsasən güclü külək Daşkəsən şəhərində xeyli sayda ağacın budaqlarını qırmışdır.
Daşkəsən Rayon İcra Hakimiyyətində komissiya tərəfindən müvafiq işlər aparılır. Dəymiş ziyanın nəticələrini aradan qaldırmaq və təhlükəsizlik tədbirlərinin görülməsi üçün aidiyyəti üzrə qurumlar həmin işlərə cəlb olunmuşlar.
Rayonun daxili imkanları hesabına dəymiş ziyanların aradan qaldırılması üçün bərpa işləri aparılır.
Hazırda rayon ərazisində yağışlı hava şəraiti davam edir.
