Azərbaycanda şəkər çuğundurunun alış qiyməti artırıldı
Yeniavaz.com xəbər verir ki, bu barədə Kənd Təsərrüfatı Nazirliyi məlumat yayıb.
Məlumata görə, 2023/2024-cü təsərrüfat ilində qışlıq və yazlıq mövsümü üzrə qəbul olunacaq şəkər çuğundurunun alış qiymətləri ötən illə müqayisədə hər bir ton üçün şəkərlilik faizinə uyğun olaraq 4 manat artırılıb.
Bununla da şəkər çuğundurunun 1 tonunun alış qiyməti orta hesabla 12 % şəkərliliklə 65 manatdan 69 manata, 13 % şəkərliliklə 68 manatdan 72 manata, 14 % şəkərliliklə 73 manatdan 77 manata, 15% şəkərliliklə 77 manatdan 81 manata və 16% şəkərliliklə 81 manatdan 85 manata qaldırılıb.
