Azərbaycanda maliyyə sektoruna investisiyalar 86% azalıb
![Azərbaycanda maliyyə sektoruna investisiyalar 86% azalıb Azərbaycanda maliyyə sektoruna investisiyalar 86% azalıb](/uploads/posts/2016-12/1482754837_4658d02d-0ab3-40ec-a5d2-92a58585037d_292.jpg)
Bu ilin yanvar-noyabr ayları ərzində Azərbaycan iqtisadiyyatına investisiya qoyuluşlarının 2,6 mln. manatı və ya 0,02%-i maliyyə və sığorta fəaliyyəti ilə bağlı olub.
"Report" rəsmi statistik rəqəmlərə istinadan xəbər verir ki, bu sahəyə investisiyaların həcmində ötən ilin müvafiq dövrü ilə müqayisədə azalma müşahidə olunub. Müqayisəli qiymətlərlə əvvəlki ilin müvafiq dövrünə nisbətən sərmayə qoyuluşunun həcmi 86,3% azalıb.
Xatırladaq ki, ötən ilin müvafiq dövründə bu sahəyə investisiyaların məcmu investisiya qoyuluşunda xüsusi çəkisi 0,14% təşkil edib.
Qeyd edək ki, 2016-cı ilin yanvar-noyabr aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 13 009,1 mln. manat və ya əvvəlki ilin müvafiq dövrü ilə müqayisədə 28,0% az vəsait yönəldilib. Ümumi sərmayənin 33,0%-i dövlət, 67,0%-i qeyri-dövlət sektorunun sərmayədarlarının payına düşüb. Daxili mənbələrdən əsas kapitala yönəldilmiş vəsaitin dəyəri ümumi sərmayənin 41,0%-ni təşkil edib.
899 dəfə oxundu