Bayramlarla əlaqədar mart ayında 9 gün iş olmayacaq
Mart ayında 9 gün qeyri-iş günü olacaq. APA-nın məlumatına görə, 8 Mart - Beynəlxalq Qadınlar Günü qeyri-iş günüdür. Nazirlər Kabinetinin qərarına əsasən isə 2016-cı ildə 20, 21, 22, 23, 24 mart Novruz bayramıdır.
Novruz bayramında 20 mart bazar gününə təsadüf etdiyindən Əmək Məcəlləsinə əsasən iş və istirahət günlərinin yerləri dəyişdiriləcək, 25 mart qeyri-iş günü olacaq. 26 və 27 mart tarixləri isə şənbə və bazar günlərinə təsadüf etdiyindən Novruz bayramında ardıcıl 8 gün – 20, 21, 22, 23, 24, 25, 26 və 27 mart tarixləri qeyri-iş günüdür. Beləliklə, mart ayında ümumilikdə 9 gün qeyri-iş günü olacaq.
