Başı kəsilən sahibkarın evindən 30 minlik qızıl oğurlanıb
Bakıda amansızlıqla qətlə yetirilən sahibkarın evindən 30 min dollar dəyərində qızıl aparılıb. Bu haqda Axar.az-a Daxili İşlər Nazirliyinin mətbuat xidmətindən xəbər verilib.
Öldürülən “Jevelleri” zinət əşyaları mağazasının sahibəsi Məryəm Namədzadənin qızı Günel Hüseynova izahatında evdən 30 min dollar dəyərində qızıl əşyaların oğurlandığını bildirib. Qeyd edək ki, M.Namədzadə paytaxtın Nəsimi rayonu ərazisində, Feyzulla Qasımzadə küçəsində yaşadığı evdə qətlə yetirilib. Evə soxulan şəxslər ona 43 bıçaq zərbəsi vurublar. Faktla bağlı cinayət işi başlanılıb.
