Kayseridə HDP-nin binası yandırıldı
Türkiyənin Kayseri şəhərində bu gün baş vermiş terror aktı əleyhinə təşkil olunmuş yürüşün iştirakçıları müxalifətçi Xalqların Demokratiyası Partiyasının (HDP) yerli şöbəsinin binasına od vurublar. Virtualaz Türkiyə mətbuatına istinadən xəbər verir ki, aksiya iştirakçıları bununla PKK terror təşkilatına dəstək verməkdə günahlandırılan partiyadan qisas aldıqlarını bildiriblər.
Xatırladaq ki, terrorçuluğu dəstəkləməkdə günahlandırılaraq, HDP-nin hər iki həmsədri və Türkiyə parlamentinin bu partiyanı təmsil edən bir qrup deputatı bir müddət öncə həbs ediliblər.
