Kim Çen In Kastroya görə matəm elan etdi
Şimali Koreya lideri Kim Çen In Kubanın əfsanəvi rəhbəri Fidel Kastronun ölümündən sonra ölkədə 3 günlük matəm elan edib. AzVision.az xarici mətbuata istinadən xəbər verir ki, ölkədə bütün bayraqlar yarıya qədər endirilib.
Həmçinin Kubanın Şimali Koreyadakı səfirliyinə gül çələngi göndərilib. Bundan əlavə, Kastronun dəfninə Şimali Koreyadan nümayəndə heyətinin gedəcəyi açıqlanıb. Qeyd edək ki, Şimali Koreyada Fidel Kastrodan öncə Fələstin lideri Yasir Ərəfatın ölümü ilə əlaqədar matəm elan edilib.
