Lavrov: “Poroşenko Rusiya ilə sərhəddə silahlı təxribat hazırlayır”
“Rusiya Ukrayna ilə müharibə aparmayacaq, sizə söz verirəm”. “Qafqazinfo” xəbər verir ki, bunu Rusiya XİN rəhbəri Sergey deyib. “Biz Ukraynadakı rejimlə müharibə aparmırıq. O rejim ki, nasist və neonasistliyin bütün əlamətlərini özündə daşıyır, Donbasda yaşayan Ukraynanın rusdilli vətəndaşları ilə vuruşur”, - deyə S.Lavrov bildirib.
Nazir qeyd edib ki, qondarma Donbas respublikasının müstəqilliyinin tanınması əsəb pozuntusu və zəifliyin təzahürü olacaq: “Əgər biz Ukraynanı neytral ölkə kimi saxlamaq istəyiriksə, bu ölkədəki hər kəsin rahat vəziyyətdə yaşamasını təmin etməliyik”.
Lavrov, həmçinin bildirib ki, Ukrayna prezidenti Petro Poroşenko Rusiya ilə sərhəddə təxribat hazırlayır. Nazirin sözlərinə görə, söhbət dekabrın sonlarına planlaşdırılan silahlı təxribatdan gedir: “O, cavabını alacaq”.
