Sabah toyu olacaqdı... - Qəzada öldü
“Qafqazinfo” xəbər verir ki, Qaraoğlan kəndi ərazisində Şəki rayonunun Böyük Dəhnə kənd sakini 1996-cı il təvəllüdlü Elnur Şubay oğlu Abdullayevin idarə etdiyi “Opel” markalı avtomobil “Mercedes” markalı yük maşınına çırpılıb.
Nəticədə 28 yaşlı E.Abdullayev aldığı ağır xəsarətlərdən vəfat edib. Yaxınlarının sözlərinə görə, Elnur Abdullayev nişanlı imiş və Şəkiyə toyu ilə əlaqədar gedirmiş. Sabah cütlüyün qız toyu keçiriləcəkmiş.
Qeyd edək ki, o, dərman satışı firmalarından birində satış müdiri vəzifəsində çalışırmış.
Faktla bağlı cinayət işi açılıb, araşdırma aparılır.
