Sabirabad rayon icra baçşcısı haqqında yayılan malumat saxta çıxdı
Keçmiş təhsil şöbəsinin müdiri icra başçısından şikayətçi olmayıb. Keçmiş təhsil şöbəsinin müdiri Elman Bunyadov mediaya ünvanladığı müraciətdə bildirir ki, icra başçısından şikayətçi olmayıb. Kimlərsə onun adından istifadə edərək media orqanlarına saxta müraciət göndəriblər.
Elman Bunyadovun müraciətində deyilir:
“Təhsil şöbəsinin müdiri işləyəndə İcra başçısı Nazim İsmayılov mənə vəzifəmə daxil olmayan bir sıra işlər gördürməyib. Mənim adımdan saytlarda və informasiya şəbəkələrində dərc edilən bu cür faktlar yalandır. Sabirabad rayon təhsil şöbəsinin sabiq müdiri kimi mənim rayon icra hakimiyyəti başçısı Nazim İsmayılovdan heç bir narazılığım, şikayətim olmayıb və bu gün də yoxdur”.
Xatırladaq ki, bir neçə gün əvvəl bir çox saytlar Sabirabad rayon sakini, birinci dərəcəli dövlət qulluqçusu , Yeni Azərbaycan Partiyasının üzvü Elman Bunyad oğlu Bunyadovun prezident İlham Əliyevə müraciət ünvanladığın dərc etmişdi. Həmin müraciətdə E.Bünyadovun rayon rəhbərliyinin tapşırığı ilə bir sıra vəzifəsi olmayan işlər gördüyünü iddia edilirdi.
