Sahibkarlığa Kömək Milli Fondu mənfəətdən zərərə keçib
![Sahibkarlığa Kömək Milli Fondu mənfəətdən zərərə keçib Sahibkarlığa Kömək Milli Fondu mənfəətdən zərərə keçib](/uploads/posts/2017-06/1496756481_bbfecfec-5779-48cc-afe3-441da9ae7b4c_292.jpg)
İqtisadiyyat Nazirliyi yanında Sahibkarlığa Kömək Milli Fondunun (SKMF) cəmi aktivləri bu il yanvarın 1-nə 1,017 mlrd. manat təşkil edib.
"Report" Fondun maliyyə hesabatına istinadən xəbər verir ki, bu, ötən il yanvarın 1-i ilə müqayisədə 6,1% çoxdur.
SKMF-in aktivlərinin 99,3-ni və yaxud 1,01 mlrd. manatını kredit təşkilatlarına verilmiş borclar təşkil edib. Son 1 ildə Fondun borc portfeli 5,4% böyüyüb.
2016-cı ildə SKMF-in cəmi öhdəlikləri dəyişməyərək cəmi 11 min manat olub. Başqa sözlə, Fondun aktivləri demək olar ki, onun cəmi kapitalının (1,017 mlrd. manat) hesabına formalaşıb.
Ötən il SKMF-in faiz gəlirləri 9,511 mln. manat (əvvəlki ilə nisbətən 6,9% çox), cərimə gəlirləri 10,084 mln. manat (3,9 dəfə çox), əməliyyat gəlirləri 61 min manat (32,6% çox), dəyərsizləşmə üzrə zərəri 31,475 mln. manat (3,6 dəfə çox), kadr xərcləri 487 min manat (5,2% çox), sair ümumi inzibati xərcləri isə 193 min manat (1% az) təşkil edib. Son nəticədə Fondun xalis zərəri 12,499 mln. manat olub.
Xatırladaq ki, SKMF 2015-ci ildən 1,995 mln. manat xalis mənfəətlə çıxmışdı. Başqa sözlə, Fond mənfəətdən zərərə keçib.
828 dəfə oxundu