“Hamı yapışıb yumurtadan, mal əti 10 manata qalxıb, heç səsiniz çıxmır”

“Hamı yapışıb yumurtadan, mal əti 10 manata qalxıb, heç səsiniz çıxmır”


2015-ci ilin 21 fevralından üzübəri üzməyə çalışan manat hələ ki iqtisadiyyatı batırmağı bacarmaqdan başqa heç nəyə xidmət etmir. Bu fonda isə əhali yediyi, içdiyi hər şeyə qənaət etməyə başlayıb. Mütəxəssislərin də dediyi kimi, azərbaycanlılar devalvasiyadan sonra məcburi qaydada ətdən imtina edir. Əhalinin gündəlik qida rasionunda yerli kənd təsərrüfatı, quş əti və quşçuluq məhsullarının payı artmağa başlayıb. Axı heç nəyimiz olmasa da, ən azı yerli yumurtamız var... Amma di gəl ki, bu yumurtanın da əmələ gəlməsi üçün lazımi avadanlıqlar, yem, yem əlavələri xaricdən dollarla alınır. Yəqin bu səbəbdəndir ki, bayramqabağı yumurtaya olan ehtiyacımızın artacağını nəzərə alaraq toyuqlar öz məhsullarını “bahalaşdırıb”: 19-20 qəpik.

Mağazalarda yumurtanın bahalaşdığı fakt olsa da, Azərbaycan Quşçular Cəmiyyətinin sədri Aydın Vəliyev Modern.az-a açıqlamasında israrla dedi ki, heç bir qiymət bahalaşması olmayıb. Amma elə öz dediklərinə zidd olaraq da devalvasiyanı xatırlatdı:

“Hər şey xaricdən alınır, bilmrisinizmi? Heç olmasa başqa sahələrə də baxın. Ölkədə ən ucuz satılan yumurta və quş ətidir. Mal əti 10 manat, qoyun əti 12 manata satılır. Heç birinizin səsi çıxıb nəsə demir. Amma yapışmısız yumurtadan. Sizin dediyiniz kimi heç yerdə 18-19 qəpiyə yumurta yoxdur”.

A.Vəliyev deyib ki, hansısa mağaza, market yumurtanı 18-19 qəpiyə satırsa, buna cavabdeh deyil:

“Bu bizim günahımız deyil. Biz ölçüsündən asılı olaraq yumurtanı 13, 14, 15 qəpiyə satırıq. Mağaza onu 18-20 qəpiyə satırsa, biz neyləməliyik?! Biz dükanlara göstəriş verə bilmərik. Dükanlar da aldığı malın üzərinə faizini qoyub satır. Onlar da dövlətə vergi verir axı.
Bu gizlin deyil, hamımız bilirik ki, devalvasiya olub və bütün sahələrə təsir edib”.



Twitter Facebook Myspace Stumbleupon Technorati blogger google
805 dəfə oxundu
 



XƏBƏR LENTİ
Loading...