İcra başçısı növbəti dəfə vətəndaşları qəbul edib
Qəbula gələn vətəndaşlar əsasən Vətən müharibəsi zamanı evlərinə dəymiş ziyanla, işlə təmin olunma, heyvandarlıq zərfi üzrə aktivlərlə təmin olunma, həyətyani torpaq sahəsi ilə təmin olunma, maddi yardım, pay torpaq sahəsinə gedən yolun zəbt olunması, əkin üçün bələdiyyədən icarəsinə torpaq sahəsinin ayrılması, ev təmirinə köməklik, evlə təmin olunma, həyətyani torpaq sahəsinin sərhədlərinin müəyyən edilməsi, suvarma suyu ilə təmin olunma, yeni tikilmiş fərdi yaşayış evinin qaz xəttinə qoşulması və digər şəxsi məsələlərlə bağlı müraciət ediblər. Onların müraciətləri rayon rəhbəri tərəfindən diqqətlə dinlənilib, icra hakimiyyətinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.
Qəbulda vətəndaşlar ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
