Yanvar-iyul ayları ərzində dövlət büdcəsi 595 mln. manatdan artıq kəsrlə icra olunub
Bu ilin 8 ayında 2015-ci ilin yanvar-iyul aylarında dövlət büdcəsinə 9,4 mlrd. manat vəsait daxil olub.
Dövlət Statistika Komitəsindən “APA-Economics”ə verilən məlumata görə, hesabat dövründə büdcədən 10 mlrd. manat vəsait xərclənib, büdcənin icrasında yaranmış 595,7 mln. manatlıq kəsir ümumi daxili məhsulun 1,9%-i səviyyəsində olub.
Büdcə xərclərinin 4,4 mlrd. manatı iqtisadiyyatın inkişafı və tənzimlənməsinin, 1,2 mlrd. manatı təhsil və səhiyyə, 1,1 mlrd. manatı sosial müdafiə və sosial təminat sahələrinin, 3,3 mlrd. manatı isə digər sahələrin maliyyələşdirilməsinə yönəldilib.
