Magistratura, rezidentura və dövlət qulluğuna qəbul müsabiqəsində iştirak ödənişli olacaq
“Magistratura, rezidentura, dövlət qulluğuna qəbulla bağlı müsabiqədə iştirak ödənişli olacaq”. Virtualaz.org-un məlumatına görə, bunu Dövlət İmtahan Mərkəzi (DİM) Direktorlar Şurasının sədri Məleykə Abbaszadə deyib.
O bildirib ki, bu həftə ərzində Tarif (qiymət) Şurası qərarını elan edəcək: “Biz artıq lazım olan sənədləri Tarif Şurasına təqdim etmişik”.
M.Abbaszadə onu da bildirib ki, sınaq imtahanlarının vaxtı yaxın bir həftədə məlum olacaq: “Magistratura və rezidentura imtahanları isə aprel ayının əvvəlləri üçün planlaşdırılır. Gələn il ola bilsin ki, ümumtəhsil müəssisələrini bitirənlər üçün noyabr ayında əlavə qəbul imtahanları da baş tutsun”.
