"Dini radikal qruplar və radikal müxalifət kənardan idarə olunur" VİDEO
"GÜNDƏMİN TRENDİ" verilişində layihə müəllifi Emil Hüseynli Azərbaycan Respublikasının Dini Qurumlarla İş üzrə Dövlət Komitəsinin sədri MÜBARİZ QURBANLI ilə bu və ya digər məsələlərə aydınlıq gətirib.
1. Mübariz müəllim, kimlərlə işləmək çətindir - siyasətçilər, yoxsa din xadimləri?
2. Son günlər yenə dindarlardan sui-istifadə hallarına cəhdlər müşahidə olunur. "Milli Şura" adlanan qurumun mitinqində dini şüarlar səsləndirildi, dindarlara çağırış edildi. Niyə məhz ölkədə seçki, referendum ab-havası olanda müxalifət üzünü dindarlara tutur?
3. Azərbaycan Prezidenti cənab İlham Əliyev bu günlərdə çıxışında bəyan edib ki, bəzi xarici dairələrin məqsədi bizə diktə etmək, Azərbaycanı alətə çevirmək, xalqımızın iradəsini qırmaqdır. Dini dövlətlər tərəfindən bu təzyiqlər varmı?
4. Ümumiyyətlə, Azərbaycanda siyasətə din elementlərinin gətirilməsi təhlükəsi varmı?
5. Əcnəbilərə və Azərbaycan vətəndaşlığı olmayan şəxslərə dini ayinlərin, mərasimlərin keçirilməsi qadağan olundu. Bu qadağa doğrudanmı zərurətdən irəli gəldi?
SİTATLAR:
“Xalq referenduma çıxan məsələlərin zərurətini başa düşür”
“Milli Şura” və Müsavat Partiyasının sosial təbəqələri tam tükəndiyindən cəmiyyətin marginal qrupları ilə əməkdaşlığa gedirlər”
“Radikal müxalifət öz maraqları naminə şeytanla belə ittifaqa getməyə hazırdır”
“AXCP rəhbəri siyasətçi kimi tükəndiyindən cəmiyyətdə mömin insanları öz tərəfinə çəkmək istəyir”
“Milli Şura”nın mitinqinə din altında qatılan qruplar dinə bağlı olan adamlar deyil”
“Məscid siyasət yeri deyil, kim siyasətlə məşğul olmaq istəyirlərsə, bunu din altında etməsin”
“Mitinqlərə rəvac verən xarici dairələr var, onlar radikal dini qruplarla bağlı narahatlıqlarını da gizlətmirlər”
“Dini radikal qruplarla müxalifətin radikal qanadının sinxron fəaliyyəti kənardan vahid mərkəzdən proqramlar əsasındadır. Məqsəd isə Azərbaycanda ictimai-siyasi sabitliyi pozmaqdır”
“Azərbaycana qarşı düşmənçilik edən qrupların başında erməni lobbisi dayanır”
“Bir sıra QHT-lər var ki, erməni maliyyə qurumlarından yardım alır”
“Azərbaycana din vasitəsilə təsir etməyə cəhdlər var. Necə ki, demokratiya və insan haqları pərdəsi altında cəhdlər iflasa uğrayıb, din sahəsindəki cəhdlər də iflasa uğrayacaq”
Dini Qurumlarla İş üzrə Dövlət Komitəsinin sədri MÜBARİZ QURBANLInın maraqlı açıqlamasını videomüsahibə vasitəsilə dinləyə bilərsiniz.
