Etibar Pirverdiyev haradadır? – “Nə vaxt digərlərinə cəza verilsə, Etibar Pirverdiyevə də veriləcək”
əsələyə münasibət bildirən Ağ Partiyanın sədri Tural Abbaslı Pravda.az-a deyib ki, söhbət təkcə “Azərenerji”nin sabiq prezidenti Etibar Pirverdiyevdən deyil, digər sabiq nazirlərdən, komitə rəhbərlərindən də gedir.
“Onların da heç biri araşdırılmadı, cinayət işinə cəlb olunmadı. Baxmayaraq ki, bir çoxlarının müavinləri, köməkçiləri, şöbə müdirləri həbs olundu. Halbuki hər birimiz bilirik, son imza rəhbərindir. Rəhbərin imzası olmadan saxta kağızlar, yeyintilər, korrupsiya ola bilməz. İstər keçmiş milli təhlükəsizlik naziri, istər mədəniyyət naziri, istər sabiq xarici işlər naziri Elmar Məmmədyarov və digərlərinin bir çox hallarda müavinləri, şöbə müdirləri hamısı həbs olundu. Bəzilərinin məhkəmələri hələ də davam edir. Aylarla məhkəmə prosesi oldu. Amma nəinki bu nazirlər şübhəli şəxs kimi prosesə cəlb olunmadılar, heç şahid kimi də dəvət olunub, dindirilmədilər...”
T.Abbaslı düşünür ki, yəqin iqtidarın bununla bağlı vahid yanaşması var, birinci şəxslər prosesə cəlb olunmur, cəzalandırılmır: “Ona görə də belədir. Baxın, Ziya Məmmədov, Səfər Əliyev, Nəcməddin Sadıqov – kimi istəsəniz misal çəkin, heç biri proseslərə cəlb olunmayıb. Məncə, bu, nəinki kriminal, istintaq, cinayət, daha çox siyasi məsələdir... Yəni nə vaxt digərlərinə cəza verilsə, Etibar Pirverdiyevə də veriləcək”.
