Sumqayıtda 46 milyon manatlıq borc qalmaqalı: Zakir Fərəcov pulları hara xərcləyib?

Sumqayıtda 46 milyon manatlıq borc qalmaqalı:
Ötən günlərdə Sumqayıtın icra başçısı Zakir Fərəcovla bağlı bəzi məlumatlar vermişdik. Bildirmişdik ki, icra başçısı Naxçıvan Ali Məclisinin sabiq rəhbəri Vasif Talıbovla əlaqələrinin ortaya çıxmasından ciddi narahatdır. Hətta yaxın adamlarına belə bu barədə danışmaq, mediada məlumat gedərsə, dərhal qarşısını almağı tapşırıb.

Bundan başqa, Zakir Fərəcovun sahibkarlara külli miqdarda borcunun olması barədə də qeyd etmişdik. JAMAZ.İNFO xəbər verir ki, Fərəcov Sumqayıtda bir çox abadlıq və quruculuq işlərinin həyata keçirilməsində iştirak edən sahibkarların 7 ilə yaxındır pullarını verməkdən imtina edir. Həmin məlumatlara görə, bu qəbildən olan borcların ümumi məbləği 46 milyon manat təşkil edir.

Borclar əsasən Sumqayıt Dənizkənarı Bulvarın tikintisi, Şəhidlər Xiyabanının abadlaşdırılması, habelə Sumqayıtda görülən bir çox iri və xırda layhəsi əsasında yaranıb. Həmin layihələr üçün dövlət büdcəsindən lazım olan məbləğ ayrılsa da, Fərəcov onların bir qismini işlərə sərf edib. Qalan məbləğ isə ya şəxsi məqsədlər üçün sərf olunub, ya da başqa niyyətlərin həyata keçirilməsinə gedib.

Sahibkarlar bununla bağlı dəfələrlə dövlət başçısına, lazımi qurumlara müraciət etsələr də, heç bir tədbir görülməyib. Fərəcov isə qəbul etdiyi sahibkarları yola vermək üçün müxtəlif variantlardan istifadə edir.

JAMAZ.İNFO xəbər verir ki, hələ şikayətlər yeni başlayanda, Sumqayıtın icra başçısı sahibkarları hədələyərək, onları tutduracağını bildirirdi. Bu o zamanlar idi ki, Fərəcovun qılıncının dalı da, qabağı da kəsirdi. Lakin icra başçılarının həbsindən sonra onun da narahatlıqları artmağa başladı. Çünki həbs olunan icra başçılarının işlərində əsas detallardan biri də sahibkarlara çatacaq pulların mənimsənilməsi ilə bağlıydır. Bu da Fərəcovu narahat etməyə bilməzdi. Ona görə ki, sahibkarların pullarının verilməməsi prosesində onun adı daha çox hallanırdı.

Bundan sonra Sumqayıtın icra başçısı mümkün qədər sahibkarların könlünü almağa çalışmağa başladı. Lakin bu “könülalma” prosesi də uzun sürmədi. Ödəniş etmədikcə narazılıq daha da artmağa başladı, hətta sahibkarların Prezident Admnistrasiyası qarşısında aksiya edəcəkləri xəbərləri gündəmə gəldi.

Hazırda 46 milyon manatlıq borcu qaytarmaq istəməyə Fərəcov, iş adamlarına daha bir “yumaq” verməyə başlayıb. Bir qədər əvvəl o, iddia etmişdi ki, guya, Sumqayıtda görülən işlər üçün dövlət büdcəsindən pul ayrılmayıb, həmin işlərin də xərcini özü çəkib. Maraqlıdır ki, bir icra başçısında bu qədər pul hardandır ki, milyonlarla manat dəyəri olan layihəni öz imkanları hesabına reallaşdıra bilsin? Yəni, borc hissə 46 milyon manatdırsa, tikinti işlərinə də ən azı iki dəfə xərc çəkilibsə, bu o deməkdir ki, Zakir Fərəcov həmin işlərə 100 milyon manatdan çox pul sərf edib. Bir icra başçısının 100 milyon manatı necə yığdığı əsl araşdırma məsələsidir.

Fərəcovun bir başqa bəhanəsi isə “Qarabağda tikinti gedir, bütün pulları örə göndərmişik” deməsi isə bir başqa absurddur. Sahibkarlarla söhbət əsnasında ortaya çıxan bu deyimin nə dərəcədə yalan olduğunu deməyə gərək yoxdur. Çünki bir icra başçısından Qarabağda tikinti üçün niyə pul alsınlar ki? Fərəcovun niyyəti borclarınıə qaytarmamaqdır. Amma faktiki addımları dövləti gözdən salmaqdan başqa bir şey deyil. Yəni, dövlət elə bir gündədir ki, icra başçılarının puluna möhtac qalıb görüntsü yaradır.

Amma Fərəcovun bəhanə və yalanları bununla dfa bitmir. Məsələn, bu yaxınlarda jurnalist Şəfəq Ağacan yazısında qeyd edib ki, ” Bizdə olan məlumata görə, vəziyyətinin ağır olduğunu hiss edən, Fərəcov bildirib ki, Birinci xanım nəsə mənimlə düz gəlmir, yerimə öz kadrlarını gətirmək istəyir.Odur ki,mətbuata və ictimayyətə şikayət edib ,məni gündəm edib dahada vəziyyəti ağır etməyin”.

Ağacan daha sonra yazır ki, Fərəcov bununla da kifayətlənməyib: “Bundan əlavə,borclu olduğu sahibkarlara şərt qoyub ki, “sizin pullarınız bir şərtlə verilə bilər 30% mənə qalmaqla pulunuz geri veriləcək. Amma notarial qayda pulunuzun tam aldığınız haqqında sənəd imzalayacaqsınız”.Burda deyiblər :”həm suçlu,həmdə güclü!” Təbii ki,hər şeydən əli üzülən bəziləri pullarını almaq üçün buna razı olublar. Amma haqqını tələb edənlər,öz haqqlarını hələ də tələb edirlər”.

Onu da qeyd edək ki, Zakir Fərəcov təkcə, Azərbaycandan olan işa damlarına borclu deyil. Ondan pulunu tələb edənlər arasında Türkiyə və Çindən olan sahibkarlar da var. Həmin şəxslər isə prosesi beynəlxalq məhkəmələrə daşımaq fikrindədirlər.

Bundan başqa, Zakir Fərəcovun 46 milyon manatı (bu bəlli olan hissədir, bəlli olmayan borcların da olduğu deyilir) nəyə və hara xərclədiyi də məlum deyil.

Qarşı tərəfi də dinləməyə hazırıq.

P.S. Növbəti yazımızda Zakir Fərəcovun mülklərini satması, bir qismini isə banka girov qoyaraq, pul götürməsi, bu addımı niyə atması barədə araşdırmamızı təqdim edəcəyik.



Twitter Facebook Myspace Stumbleupon Technorati blogger google
380 dəfə oxundu
 



XƏBƏR LENTİ
Loading...