Yol polisinə müqavimət göstərdiyi yerdə görüntüləri yayılan sürücü həbs edilib - VİDEO
Daxili İşlər Nazirliyinin (DİN) Baş Dövlət Yol Polisi İdarəsi sosial şəbəkələrdə sürücünün yol polisinə müqavimət göstərməsini özündə əks etdirən videoya münasibət bildirib.
İdarədən “Report”a bildirilib ki, Yasamal rayon sakini Elşən Maqsudov mayın 17-də idarə etdiyi 90 LB 208 dövlət nömrə nişanlı, "Hyundai Elantra" markalı avtomobillə əks istiqamətdə hərəkət etdiyi üçün YPX əməkdaşları tərəfindən saxlanılıb. O, polisin qanuni tələblərinə tabe olmayıb. PPX əməkdaşlarının köməyi ilə Yasamal rayon 27-ci polis bölməsinə dəvət olunan sürücü barəsində araşdırma başlayıb. Haqqında toplanmış materiallar məhkəməyə təqdim olunub. Yasamal rayon Məhkəməsinin qərarı ilə İnzibati Xətalar Məcəlləsinin 535.1-ci maddəsinə əsasən 15 gün müddətinə inzibati qaydada həbs edilib.
