Ombudsmanın səhhəti haqda yeni xəbər - Süleymanova açıqlama verdi
“Səhhətimdə heç bir problem yox idi. Sadəcə jurnalist həssas olduğundan bir anı tutmuşdu”.
Bu sözləri “Qafqazinfo”ya açıqlamasında ötən gün Horadizdə keçirilən yürüşdə halı pisləşən Ombudsman Elmira Süleymanova deyib. O qeyd edib ki, yürüş zamanı özünü yaxşı hiss edib: “Sona qədər də ilk sıralarda olmuşam. Bu bir el bayramı idi. Əgər səhhətimdə hər hansı problem olsaydı, sona kimi necə yürüş edə bilərdim? Yürüş başa çatanda çıxış da etmişəm, televiziyalara müsahibə də vermişəm. Heç bir problem olmayıb”.
