"Kalaşnikov" konserni analoqu olmayan pulemyot hazırlayır" Baş direktor
Rusiyanın "Kalaşnikov" konserni yeni yüngül əl pulemyotu - RPK-16 5.45 mm hazırlayır. Silahın həm də hücum tüfəngi funksionallığı olacaq.
"Report" TASS-a istinadən xəbər verir ki, bu barədə konsernin baş direktoru Aleksey Krivoruçko bildirib.
"Müasir silahlı münaqişələrin təcrübəsinin öyrənilməsi əsasında biz 5,45 mm kalibrli yüngül Kalaşnikov əl pulemyotu (RPK-16) hazırlamışıq. Çəkisi, ölçüsü, dəqiqliyi və universallığına görə bu silahın analoqu yoxdur", - deyə o vurğulayıb. Baş direktor, həmçinin yeni pulemyot üçün daha çox tutumlu daraq hazırlandığını söyləyib.
