Navalnı dəfn olundu
Yeniavaz.com Rusiya KİV-ə istinadla xəbər verir ki, əvvəlcə Navalnının cənazəsi Marino rayonundakı kilsəyə gətirilib.
İnsanlar onu alqışlarla qarşılayıblar. Daha sonra siyasətçinin dəfn mərasimi Borisov qəbiristanlığında baş tutub.
Navalnı ilə vidalaşmağa Avropa İttifaqının və ABŞ-nin səfirləri də gəlib. ABŞ səfiri Lin Treysi, Almaniya səfiri Aleksandr Qraf Lambsdorf, Fransa səfiri Pyer Levi və bir sıra digər Aİ ölkələrinin diplomatik nümayəndələri məbəddə görüntüləniblər.
Qeyd edək ki, Aleksey Navalnı fevralın 16-da Yamalo-Nenets Muxtar Dairəsindəki 3 saylı islah koloniyasında dünyasını dəyişib. Siyasətçinin cəsədi yalnız doqquz gündən sonra anası Lyudmila Navalnıya təhvil verilib.
