Azərbaycana gələn malayziyalılar üçün viza rejimi ləğv oluna bilər
Azərbaycana gəlmək istəyən malayziyalılar üçün viza rejimi ləğv oluna bilər.
APA-nın məlumatına görə, bunu Malayziyanın Azərbaycandakı səfiri Datuk Roslan Abdul Rahman yerli “Bernama” agentliyinə açıqlamasında deyib.
Onun sözlərinə görə, təkliflə bağlı sənədlər artıq hazırdır və hazırda müzakirə mərhələsindədir.
“Azərbaycana səfər etmək istəyən malayziyalılar üçün sərbəst viza rejimi bu ilin sonuna və ya gələn ilin əvvəlinədək tətbiq edilə bilər. Malayziyalılar vizasız 30 gün müddətində Azərbaycanda qala biləcəklər”.
