Erməni ordusu bugünkü itkilərini açıqladı - 1 ölü, 1 yaralı
Təmas xətti boyunca diversiya-təxribat hücumu həyata keçirən Ermənistan ordusu itkilər verib. İşğalçı ölkə Azərbaycan Müdafiə Nazirliyinin yaydığı məlumatı təsdiqləyərək, itkilərini açıqlayıb.
Musavat.com bununla bağlı erməni mediasına istinadən xəbər verir. Qarabağdakı separatçı rejimin açıqlamasında bildirilir ki, fevralın 8-də saat 11.00-da cəbhənin şimal istiqamətində məhv edilən erməni hərbçisi müqavilə ilə xidmət edən 1979-cu il təvəllüdlü Qeram Qenrixoviç Manukyandır.
Bu gün saat 12.00-da cəbhənin Ağdərə rayonu istiqamətində isə 1998-ci il təvəllüdlü müddətdən artıq hərbi qulluqçu Koryun Kmoeviç Kirakosyan ölümcül güllə yarası alıb.
