Akif Çovdarovun yeni vəkili o oldu
Bu gün ləğv olunmuş Milli Təhlükəsizlik Nazirliyinin generalı Akif Çovdarov, idarə rəisləri - Səlim Məmmədrov, Akif Əliyev və Orxan Osmanovun cinayət işi üzrə məhkəmə prosesi davam etdirilib.
“Qafqazinfo”nun verdiyi xəbərə görə, baxış iclası Bakı Hərbi Məhkəməsinin hakimi Həbib Həsənovun sədrliyi ilə Sabunçu rayon Məhkəməsinin inzibati binasında baş tutub.
Məhkəmə prosesində A.Çovdarovun müdafiəsinə yeni vəkilin qoşulduğu bildirilib. Onun yeni vəkili Şahin Rəfiyev məhkəməyə order təqdim edib. Məhkəmə kollegiyası bununla bağlı qərar qəbul etmək üçün növbəti iclasda müzakirə aparılacağını bildirib.
Məhkəmə prosesi noyabrın 17-də davam etdiriləcək.
