İki qardaş ölkə prezidentlərinin Şuşadan dünyaya mesajı olacaq
"Türkiyə Prezidenti Rəcəb Tayyib Ərdoğanın Azərbaycana planlaşdırılan bu səfərinin böyük əhəmiyyəti var”.
Bunu Qaynarinfo-ya açıqlamasında Milli Məclisin deputatı Asim Mollazadə Türkiyə prezidenti Rəcəb Tayyib Ərdoğanın Azərbaycana planlaşdırılan səfərindən, Şuşadan ünvanlayacağı mesajlardan danışarkən deyib. Deputat bildirib ki, iki qardaş ölkə prezidentlərinin Şuşadan dünyaya mesajı olacaq:
"İki qardaş ölkənin bütün dünyaya ən əsas mesajı "Qarabağ Azərbaycandır” olacaq. Bunu dünya eşitməli və bilməlidir. Azərbaycanla Türkiyə bu istiqamətlərlərdə çox ciddi əməkdaşlıq edir. Demək olar ki, Qarabağ münaqişəsi artıq tarixdə qalıb. Azərbaycan tək Şuşanı deyil, bütün Qarabağı mədəni mərkəzə çevirəcək”.
