Bu il Azərbaycanda dövlət qeydiyyatı ləğv olunan QHT-lərin sayı açıqlanıb
İndiyə kimi Azərbaycan Ədliyyə Nazirliyində 4278 qeyri-kommersiya təşkilatı dövlət qeydiyyatına alınıb ki, onlardan 3095-i qeyri-hökumət təşkilatıdır.
Gundeminfo.az yazır ki, bu barədə "Report"un sorğusuna cavab olaraq Ədliyyə Nazirliyinin Qeyri-hökumət təşkilatları ilə iş şöbəsinin rəisi Səbinə Salmanova bildirib.
S.Salmanova qeyd edib ki, nazirlik bu ilin ötən müddəti ərzində 6 qeyri-hökumət təşkilatının (QHT) ləğv olunması barədə qərar qəbul edib: "Belə ki, həmin QHT-lərin müraciətlərinə və qanunvericiliyin tələblərinə uyğun olaraq Ədliyyə Nazirliyi onları dövlət reyestrindən çıxarıb".
