Azərbaycan əhalisinin gəlirləri artıb
2014-cü ilin göstəriciləri ilə müqayisədə ötən il Azərbaycan əhalisinin gəlirləri nominal ifadədə 5,7 faiz artaraq 41,7 milyard manata çatıb. Gəlirlərin əhalinin hər nəfərinə düşən həcmi isə orta hesabla 4380,1 manat və ya ayda 365,0 manat təşkil edərək 4,5 faiz artıb. Bunu “Trend” agentliyi Dövlət Statistika Komitəsindən açıqlanan məlumata əsasən bildirib.
Əhalinin gəlirlərinin 72,1%-i son istehlak xərclərinə, 9,1%-i vergilərin, sığorta və üzvlük haqlarının, 2,9%-i kreditlər üzrə faizlərin ödənilməsinə sərf edilib. 15,9% isə yığıma yönəldilib. Bütün icbari və könüllü haqlar ödənildikdən sonra əhalinin sərəncamında 37,9 milyard manat və ya əvvəlki ilin eyni dövründəkindən 5,6% çox vəsait qalıb.
