Tualet kağızının rulonu İran rialından bahadır - FOTO
“Azad İran” “Telegram” kanalı xəbər verir ki, artıq 1 ABŞ dolları almaq üçün 370 200 rial ödəmək lazımdır. Tualet kağızının rulonu İran rialından bahadır.
“Bloomberg” yazır: “İran valyutası nizamlanmayan bazarda rekord həddə zəifləyib, çünki Rusiyaya verdiyi dəstək və etirazlara qarşı ölümcül repressiyalara görə ölkəyə qarşı əlavə sanksiyalar tətbiq edildikdən sonra investorlar dollar almağa can atıblar”.
Tehrandakı iki treyder və xarici valyuta məzənnələrini izləyən yerli internet saytının məlumatına görə, çərşənbə axşamı rial ABŞ dollarına nisbətdə orta hesabla 384 000-ə düşüb, bu isə indiyə qədər qeydə alınan ən yüksək səviyyədir.
Bazar ertəsi Avropa İttifaqı Rusiyaya hərbi dronlar göndərdiyi və aylarla davam edən etirazları zorakılıqla yatırtdığı üçün İrana qarşı yeni sanksiyalar elan edib. Tehran Moskvanın Ukraynaya qarşı savaşını dəstəklədiyi üçün Böyük Britaniya da çərşənbə axşamı ona əlavə sanksiyalar tətbiq edib.
