Şəmkirdə tibb bacısı həkimi bıçaqladı
Şəmkirdə tibb bacısı həkimi bıçaqlayıb. Trend-in Region TV-yə istinadən verdiyi məlumata görə, qanlı hadisə Şəmkir Mərkəzi Rayon Xəstəxanasında baş verib. Xəstəxananın Reanimasiya şöbəsinin tibb bacısı Sadəgül İbadullayeva şəxsi münasibətlər zəminində qanköçürmə şöbəsinin həkimi Nurəddin Məmmədovu bıçaqlayıb. Yaralı hal-hazırda həkim nəzarəti altındadır, vəziyyəti orta-ağırdır. Qeyd edək ki, artıq faktla bağlı cinayət işi açılıb, araşdırmalar davam etdirilir.
