Türkiyədə PKK-ya ağır zərbə
Bu il iyul ayının 22-dən bu günədək Türkiyə təhlükəsizlik qüvvələrinin ölkədaxili və xarici əməliyyatları nəticəsində 771 terrorçu məhv edilib. Virtualaz.org Türkiyə mətbuatına istinadən bildirir ki, ölkə HHQ-sının İraqın şimalında apardığı reydlər nəticəsində 430 terrorçu məhv edilib. Kəşfiyyat məlumatlarında vurğulanır ki, PKK-nın 260 üzvü isə ölkədaxili əməliyyatlar zamanı məhv edilib.
Türk qırıcılarının reydləri zamanı ümumilikdə 750 terrorçu yaralanıb. Yeri gəlmişkə qeyd edək ki, hava hücumları ilə yanaşı Türkiyənin quru qoşunları da fəal hərəkata keçib. PKK üzvləri tank və artilleriyadan açılan atəş nəticəsində böyük itkilər verir.
