İSTİLƏR DAVAM EDƏCƏK
Sentyabrın 9-də Bakı və Abşeron yarımadasında hava şəraitinin dəyişkən buludlu olacağı, gün ərzində əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən məlumata görə, havanın temperaturu gecə 20-24 dərəcə, gündüz 30-35 dərəcə isti olacaq. Azərbaycanın rayonlarında hava şəraiti əsasən yağmursuz keçəcək, səhər ayrı-ayrı yerlərdə duman olacaq. Şərq küləyi əsəcək, gündüz arabir qərb küləyi ilə əvəz olunacaq. Havanın temperaturu gecə 19-24, gündüz 32-37 dərəcə, dağlıq rayonlarda gecə 10-15, gündüz 26-31 dərəcə isti olacaq.
