Bakıda ticarət mərkəzində YANĞIN
Bakının Xəzər rayonunda yerləşən ticarət obyektlərindən birində yanğın olub.
FHN-nin mətbuat xidmətindən Lent.az-a verilən məlumata görə, ümumi sahəsi 520 kv.m olan bir dam altında yerləşən 13 ədəd ticarət obyektindən vətəndaşa məxsus ümumi sahəsi 64 kv.m olan mağazanın yanar konstruksiyaları 50 kv.m sahədə yanıb və yüksək temperaturdan bitişik mağazanın lambirdən ibarət tavanı 20 kv.m sahədə əriyib.
Hadisə zamanı digər mağazalar yanğından mühafizə olunub. Yanğın saat 02:19-da yanğınsöndürənlər tərəfindən söndürülüb.
