Türkiyədə müzakirələrə səbəb olan qanun qüvvəyə mindi
Xəbər verdiyimiz kimi, Türkiyə Böyük Millət Məclisi (TBMM) dezinformasiya hesab edilən media və sosial şəbəkə məlumatlarına görə 3 ilə qədər həbs cəzasını nəzərdə tutan qanun layihəsini qəbul edib.
Yeniavaz.com xəbər verir ki, qanun “Resmi Gazete”də dərc edilərək qüvvəyə minib.
Məlumat üçün bildirək ki, qanun ilə ictimaiyyəti çaşdıran məlumatların açıq şəkildə yayılmasına görə 1 ildən 3 ilə qədər həbs cəzası nəzərdə tutulur.
Qeyd edək ki, qanun layihəsi Türkiyədə geniş müzakirələrə və mübahisələrə səbəb olub. Bəzi media nümayəndələri və siyasətçilər qanun layihəsini mətbuat və söz azadlığının pozulması kimi qiymətləndiriblər.
