Bu gün bəzi qəsəbələrin elektrik enerjisi verilişində fasilələr yaranacaq
Bu gün saat 13:30-dan 16:00-dək Xırdalan şəhərinin Quşçuluq massivi, Qaradağ rayonunun Müşfiqabad qəsəbəsi yaşayış binaları, Yeni Müşfiq massivi həyət evləri, 28 May qəsəbəsi, Müşfiqabad-Sumqayıt yolunun sağ - sol hissələrindəki həyət evlərinin elektrik enerjisinin verilişində qısamüddətli fasilələr yarana bilər.
Bu barədə “Report”a “Azərişıq” ASC-nin Mətbuat xidmətinin rəhbəri Tanrıverdi Mustafayev deyib. Onun sözlərinə görə, fasilə 110 kVt-luq 5-ci Xırdalan hava xəttində aparılan yenidənqurma işləri ilə əlaqədardır. Yaranmış narahatlığa görə “Azərişıq” istehlakçılardan üzr istəyir.
