Nərimanovda 219 bina söküləcək - İcra başçısı
“İşlərə başlanılıb”.
Nazirlər Kabinetinin qərarına əsasən, Nərimanov rayonu üzrə 11 031 nəfərin yaşadığı 3028 ədəd mənzillərdən ibarət olan 219 yaşayış binasının sökülməsi və yenidən qurulması planlaşdırılır. Oxu.Az-ın məlumatına görə, bu barədə Nərimanov Rayon İcra Hakimiyyətinin başçısı Abdin Fərzəliyev bildirib. O, həmçinin qeyd edib ki, artıq bununla bağlı işlərə başlanılıb. Qeyd edək ki, baş nazir Artur Rasizadənin qərarına əsasən, Bakının 9 rayonunda; Suraxanı, Nəsimi, Xətai, Nərimanov, Nizami, Yasamal, Səbail, Pirallahı, Xəzər rayonlarındakı köhnə binalar söküləcək.
