Milli Məclis sabah iclas keçirir — AŞPA-nın qərarı pisləniləcək
“Milli Məclisin mayın 18-də keçiriləcək iclasında Avropa Şurası Parlament Assambleyasının (AŞPA) Səməd Seyidov başda olmaqla 4 deputatın mandatının dondurulması barədə qəbul etdiyi qərarı pisləniləcək”.
Bunu “Ölkə.Az”a açıqlamasında Milli Məclisin mətbuat xidmətinin rəhbəri Akif Nəsirov bildirib.
Ancaq A.Nəsirov sözügedən məsələnin gündəliyə salınmadığını söyləyib:
“Sabahkı iclasın gündəliyinə 10 məsələ daxildir. Bunlar “Hesablama Palatasının hesabatı haqqında”, “Ələt Azad Ticarət Zonası haqqında” “Əmək Məcəlləsinə dəyişiklik haqqında”, “Təhsil haqqında qanuna dəyişiklik”, “Dövlət qulluğu haqqında qanuna dəyişiklik”, “Penitensiar müəssisələrdə cəzaçəkmədən azad edilmiş şəxslərin sosial adabtasiyası haqqında” qanuna dəyişiklik, “Yanğın təhlükəsizliyi haqqında” qanuna dəyişiklik, “Sanitariya, Epidemiologiya və Sağlamlıq haqqında” qanuna dəyişiklik, “Dərman vasitələri haqqında” qanuna dəyişiklik və “Hesablama Palatası haqqında” qanun layihəsinin II oxunuşda müzakirəsi məsələləridir”.
