Azərbaycan əraziləri işğaldan azad olmalıdır - Uorlik
Dağlıq Qarabağın yekun statusu münaqişənin hərtərəfli nizamlanması kontekstində müəyyən olunacaq ki, buna həm də işğal olunmuş torpaqların Azərbaycanın nəzarətinə qaytarılması daxildir.
Bunu Trend-ə ATƏT-in Minsk Qrupunun amerikalı həmsədri Ceyms Uorlik Ermənistanın qondarma Dağlıq Qarabağ rejimini tanıya bilməsi məsələsinə münasibət bildirərkən deyib.
"Hec bir ölkə Dağlıq Qarabağı tanımır. Münaqişənin uzunmüddətli nizamlanmasına nail olmaq üçün biz tərəfləri danışıqlar masası arxasına oturmağa çağırmağa davam edirik", - Uorlik bildirib.
