SOCAR-dan “nurçu” iddialarına cavab
Dövlət Neft Şirkəti (ARDNŞ) "SOCAR Turkey Energy"nin adının "nurçuluq"da hallanmasına münasibət bildirib.
GUNDEMİNFO.AZ anspress-ə istinadən xəbər verir ki, şirkətin mətbuat xidməti bu iddiaların əsassız olduğunu bildirib. "SOCAR bütün ölkələrdə olduğu kimi, Türkiyədə də ölkənin qanunlarına uyğun fəaliyyət göstərir və həmin xəbərlər həqiqəti əks etdirmir. SOCAR-ın rəhbərliyində təmsil olunan şəxslərin heç biri hər hansı dini cərəyana mənsub deyil.
Bu, Türkiyə daxili ziddiyyətlərin, hakimiyyətə gəlmək istəyənlər, siyasi partiyalar arasında mübarizənin təzahürüdür. Bunun SOCAR-ın Türkiyədəki fəaliyyətinə, investisiya layihələrinə heç bir aidiyyatı yoxdur", - deyə ARDNŞ-nin mətbuat xidmətindən bildirilib.
