"Formula-1" ilə bağlı bir neçə metro stansiyasının iş qrafiki dəyişir
23-25 iyun tarixlərində Bakının mərkəzi küçələrində baş tutacaq "Formula-1" Azərbaycan Qran-pisi ilə bağlı Bakı metrosunun 3 stansiyasının iş qrafikində dəyişiklik ediləcək. Bunu "APA-Economics"ə "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib.
Onun sözlərinə görə, Bakı Şəhərə Həlqəsi "Bakı Metropiliteni" QSC-yə tədbirlərdə iştirak edəcək tamaşaçıların rahat daşınması üçün metronun iş saatının uzadılmasını xahiş edib: "23-25 iyun tarixlərində keçiriləcək tədbirlərlə əlaqədar metronun "28 May", "Sahil", "İçərişəhər" metro stansiyalarının iş rejimi artırılacaq, tədbirlərin keçirilməsi ilə əlaqədar zərurət yaranarsa bütün sərnişinlərin daşınması təmin olunacaq".
