Kiyevlə Tiflisə xəyanət: İrəvan yenə qarşı çıxdı
ATƏT-nin Parlament Assambleyası Gürcüstanda keçirilən sessiyasında Ukraynadakı böhranı, Gürcüstandakı dondurulmuş münaqişələr və bir sıra başqa məsələləri özündə ehtiva edən “Tiflis deklarasiyası”nı təsdiqləyib.
Axar.az xəbər verir ki, bu sözləri öz Feysbuk səhifəsində Ukraynadan olan deputat Anton Geraşenko paylaşıb. Onun sözlərinə görə, deklarasiyanın qəbul edilməsinə 50-dən çox ölkə səs verib. O, deklarasiyanın qəbuluna qarşı yalnız Rusiya və Ermənistan nümayəndələrinin səs verdiyini bildirib.
Qeyd edək ki, Ermənistan bundan öncə dəfələrlə Krımın anneksiyasının pislənməsi ilə bağlı məsələdə Rusiyanın tərəfində yer alıb.
